Premios Lazarillo 2008

O pasado venres 21 de novembro reuníronse os xurados dos Premio Lazarillo-2008, patrocinados polo Ministerio de Cultura e outorgados pola OEPLI.

O comité de expertos no apartado ao mellor Álbum Ilustrado estivo composto por Pablo Jurado, Teresa Duró, Oscar Villán e Jon Zabaleta, designados por cada unha das seccións da Organización Española para el Libro Infantil y Juvenil, e baixo a presidencia de Itziar Zubizarreta como máxima responsable da mesma, actuando como secretaria Ana Cendán, posto que ocupa tamén na OEPLI.

El Príncipe de los enredos, de ROGER OLMOS foi merecedor do premio ao mellor Álbum Ilustrado 2008.
Roberto Aliaga narra a historia dun corvo que, enleando a uns e a outros, acada o máis desprezable dos seus propósitos. Tardaremos en poder ver a edición desta obra, pero seguro que a todos e todas se nos fai coñecida a historia...

Entrementres, e para abrir boca, velaí vai un adianto



Cando o plan do corvo chega á súa fin, o seu corpo se vai envilecendo ao tempo que os seus bos modais se esvaecen...

Haivos moitos corvos coma este!


O xurado cualificador do Premio "Lazarillo-2008" na modalidade de Creación Literaria, conformárono Gloria Fernández, Laia Ventura, Mª Teresa Leis e Mikel Ayerbe. Actuou como secretaria, sen voz nin voto Ana Cendán, e como presidenta Itziar Zubizarreta.

O contista alacantino PABLO ALBO fíxose co galardón nesta categoría con Diógenes. Na obra, Diógenes fálanos da súa familia e das súas afeccións -un algo particulares-. Fálanos do costume do acopio, como lle chama o pai. Os avós coñecéranse recollendo pozas os días de chuvia; a irmá maior acumula obxectos inservibles; o irmán pequeno calquera cousa que se poida contar; os pais calquera cousa que poida contar o irmán pequeno; o tío carteiro colecciona cartas de amor; Diógenes, de todo: un submarino, una duna, un bosque de eucaliptos, cincuenta e sete boias coas súas cincuenta e sete campás..."

O Barco de Vapor 2009

A Fundación SM convoca o Premio O Barco de Vapor 2009 coa finalidade de promover a creación dunha literatura para nenos que fomente o gusto pola lectura e transmita, con calidade literaria, uns valores humanos, sociais ou culturais que axuden a construír un mundo digno.

O prazo de entrega dos orixinais pecharase o 15 de xaneiro do ano que entra, de maneira que aínda estades a tempo de presentar as vosas obras. Abride esta porta www.grupo-sm.com/Images/BasesOBarco2009.pdf e entrade sen medo, conscienes de que non hai literatura sen risco, sen aposta, sen acasos, de que non hai literatura sen posibilidade de fracaso, sen a inseguridade de camiñar sobre o gume da navalla escoitando o silencio dos lectores, a súa terrible indiferencia. Mais tampouco hai literatura sen Quimera... Velaí a clave do éxito: lograr mergullarse no seu misterio. Contaxialo.

E, desde algún lugar do outro lado, nós, os lectores, agardamos coa rosa dos ventos como única equipaxe, ávidos de mundos aos que asomarnos cando ese Barco zarpe.

PORTO EN IMAXES: 14º Encontros Luso-Galaico-Franceses do Livro Infantil e Juvenil: A memória nos livros: História e histórias

«Ler ou dar a ler para construir memória… Porque privar os mais jovens da literatura é negar-lhes a possibilidade de reviver a História por meio da ficção. A ficção enraizada na vida, recriando o que a historiografia não pôde ou não quis contar. A ficção que envolve e interpela o leitor, favorecendo identificações, estimulando uma crítica do presente ancorada na compreensão, “vivida”, do tempo que passou. Ler. Ler para (re)viver, construir memória, convertê-la em herança e em pilar de cidadania activa. Esse é um dos desígnios da escrita. E da literatura para a infância e a juventude.»

PROGRAMA

14, 6ª-feira

9:00 Recepção dos participantes9:30 Sessão de abertura – representantes das entidades organizadorasApresentação das actas dos 13.os Encontros – Do Livro à Cena (Deriva Editores)10:00Leitura e memóriaJosé António Gomes (Portugal)Viagem pelas palavras da memória Miguel Vásquez Freire e An Alfaya (Galiza)Intervalo 12:00Apresentação de exposições"O Álbum Galego: 25 miradas para unha década (1997-2007)", da Consellería de Cultura da Xunta de Galicia.“Homenaxe às vitimas do Portiño”, banda desenhada de José Tomás Ilustrações de Yann Fastier (L’ atelier du poisson soluble)Ilustração portuguesa: “2009 Mundos a Céu Aberto” (comissário: Luís Mendonça)Almoço14:00Mesa redondaBibliotecas, escola e família: experiências de promoção da leitura Cristina Taquelim (Biblioteca Municipal de Beja - Portugal): Livros andarilhos: leituras com miúdos e graúdos. Catherine Jordi (Associação Idées Nouvelles Europe - França): Pais, leitura e bibliotecas escolares, como ajudar os filhos a serem leitores? Concha Costas (Biblioteca Pública de Gondomar - Galiza): Experiências locais de comunidades leitoras: Espazo Lectura, ler contar, dinamizar16:00Mesa Redonda Memória e edição de livros infanto-juvenis (mesa redonda)José Oliveira (Editorial Caminho - Portugal)Anxela Gracian (Edições Sotelo Blanco - Galiza)17:00Apresentação das edições L’atelier du poisson soluble por Olivier Belhomme (França)Apresentação de livrosA Guerra Civil Española na Narrativa Infantil e Xuvenil, por Alexia Dotras (Galiza – Univ. Vigo – Unidade de Investigación en Humanidades “A literatura infantil e xuvenil e a sua tradución”, apoio LIJMI)O Cão Triangular, de Evelina Oliveira e Maria Leonor Barbosa Soares, ilustrações de Evelina Oliveira. Editora Campo das LetrasA Minha Primeira História de Portugal, de Sérgio Luís de Carvalho, ilustrações de Fedra Santos. Editora Campo das Letras

15, sábado

9:30 Literatura Infantil e Memória“A memória através da literatura infantil e juvenil en galego” (Blanca-Ana Roig Rechou, Célia Vázquez, Eulália Agrelos Costa, Isabel Mociño González, Marta Neira Rodrigues – Galiza – Rede LIJMI e Apoio Unidade de Investigación en Humanidades)“Da Ditadura à Revolução, um percurso através da Literatura infanto-juvenil” (José António Gomes, Ana Margarida Ramos e Sara Reis da Silva – Portugal – Rede LIJMI)Intervalo11:00Mesa dos escritores – A escrita da memóriaAntónio Torrado (Portugal) entrevistado por Ana Margarida RamosAgustín Fernández Paz (Galiza) entrevistado por Xavier Senín e Isabel SotoAlmoço14:30Ateliers / espaços de encontros para adultosMemor'ando, memor'indo (oficina em torno da leitura, escrita e ilustração) Emílio Remelhe / Eugénio Roda (professor e escritor)Promover a leitura entre adolescentes e jovensCláudia Sousa Pereira (professora e investigadora, Universidade de Évora)Eu sou eu e a minha memória, pensar a cidadania a partir da hermenêutica da memóriaElena Gomez Galkina (professora e investigadora)Oficina de ilustraçãoYann Fastier (ilustrador, L’atelier du poisson soluble) Reconstrución pictográfica dunha lenda medieval Ana Belén Chimeno e Alexia Dotras (Univ. de Vigo – Apoio Rede LIJMI) 16:30Encerramento17:00Espectáculo Musical - Romance do 25 de Abril (de João Pedro Mésseder e Alex Gozblau), recriado pelo Bando dos Gambozinos com música de Pedro Moura.

VI Premio de ilustración Pura e Dora Vázquez

O pasado mes de xullo foi convocado en Ourense o VI PREMIO DE NARRACIÓN E ILUSTRACIÓN INFANTIL E XUVENIL “PURA E DORA VÁZQUEZ no que, como xa vos informamos neste mesmo caderno, resultou gañadora a obra de Concha Blanco “Encontros ás agachadas”. Agora só queda cumprimentar a segunda parte da convocatoria, que quedou aberta no momento no que se produciu o fallo do xurado. O premio, igual ca o de narración, está dotado con 3.000 euros. @s interesad@s en participar xa podedes solicitar á Deputación de Ourense o texto a ilustrar. O prazo para a presentación das ilustracións orixinais remata o 20 de decembro.



Dende aquí convidámosvos a que vos mergulledes na espiral cromática e poñades a traballar a imaxinación, se cadra, entre algún de vós está o gañador ou gañadora desta edición...

Por se vos animades, podedes consultar as bases no seguinte enderezo: www.depourense.es/download/simeon/Bases_PuraeDora.pdf


Cando menos, o título é suxestivo...

Boa sorte e que as musas vos sexan propicias!!

Musicontos

A Real Filharmonía de Galiza e a Editorial Galaxia, coa participación do Consorcio de Santiago, preparan estes días unha versión musicada da historia da Cinsenta... mais desta volta a protagonista de O prodixio dos zapatos de cristal non é aquela rapariga que tiña unha malvada madrasta e dúas irmás envexosas e presumidas, senón unha moza que está no paro e que persegue un soño: ser cantante. Entrementres, gaña a vida nunha zapatería na que gardan o famoso zapatiño de cristal. O traballo forma da parte do que, desexamos, se converta nun referente da literatura infantil galega: os 'Musicontos', e é o resultado dun interesante labor de colaboración entre o director Maximino Zumalave e o escritor Xosé Antón Neira Cruz, que tamén adaptou outros dous clásicos: O debut de Martiño Porconi (ou o que foi dos tres porquiños e o lobo), na que o protagonista do relato é un gran tenor, Martiño Porconi, que lembra as tremendas peripecias que viviu cos seus irmáns por culpa dun lobo malvado e Un bico de amor e vida, unha revisión de A sereíña, na que a fantasía da serea lle dá pé a reflexionar sobre a catástrofe do Prestige, na nosa memoria para sempre e da que está a piques de cumprirse un novo aniversario.



Estamos ante dun proxecto que asocia a música clásica aos contos de sempre de xeito que os máis cativos aprendan a relacionar dúas linguaxes únicas e ao mesmo
tempo complementarias.








O prodixio dos zapatos de cristal foi, ademais, gravado en directo, no Auditorio de Galicia, cun público formado por mil rapaces de diferentes colexios.


Os libros, que contan coas ilustracións de de Rodrigo Chao, Federico Fernández e Enjamio, irán acompañados dun CD, e estarán á venda este mesmo mes... Lembrádevos cando lle escribades a carta aos Magos.

VOCES Á ORELLA

Desde o pasado luns, e ao longo de todo o mes, desenvolveranse en máis de trinta bibliotecas, teatros, auditorios e centros culturais de todo o país as actividades da campaña de animación lingüística «Voces á orella», organizada pola Secretaría Xeral de Política Lingüística e Edicións Xerais de Galicia.
Voces á orella componse de tres espectáculos teatrais: «Remoldiño vai á feira» da compañía Casa Hamlet; «Os soños na gaiola» da compañía do Trinke Trinke e «O club da calceta» de Teatro do Morcego.




A representación da compañía Casa Hamlet está dirixida a nenos e nenas de tres a oito anos e constitúe unha adaptación de Manuel Lourenzo do conto homónimo de Xoán R. Cuba, ilustrado por Óscar Villán e editado por Xerais dentro da súa colección «Merliño».
Remoldiño nunca fora a Monterroso na vida, e quería ver a feira máis famosa de Galicia. Para viaxar argallou unha artimaña: subiu nunha bota dun tratante da montaña. Na feira estaba agardando un vello amigo de seu, o caracol don Rolando, que nesa vila naceu.




A Compañía do Trinke Trinke, dirixe o seu espectáculo a nenos e nenas de 9 a 14 anos, e supón unha homenaxe ao poeta Manuel María e a Suso Vaamonde, que musicara os seus versos. Empregando a música e o xogo dánse a coñecer algúns dos poemas d’ Os soños na gaiola, libro senlleiro na lírica galega dedicada á infancia, publicado dentro da colección «Merlín» de Xerais.
Un velliño procedente do mundo rural pasa os últimos días da súa vida vivindo nun piso dunha filla. Un día recibe a visita da súa neta, que é unha moza á que non ve desde hai anos. A través de distintos obxectos que o vello conserva nun baúl, e a través das poesías de Manuel María, avó e neta van lembrar a non tan lonxana vida na aldea...






O Teatro do Morcego representa para a mocidade de catorce anos en diante unha adaptación de O club da calceta, de María Reimóndez publicada por Xerais na súa colección «Narrativa».
Seis mulleres moi diferentes estre si acoden a clases de calceta, un lugar onde converxen as súas frustracións pero, tamén, un lugar onde toman conciencia da súa situación e da necesidade de superala. A través dun espazo tan tradicionalmente feminino como a calceta, estas mulleres atopan no valor da unidade a forza para sobrepoñerse a un presente que as nega ou minusvalora.


En cada unha das representacións das tres pezas os asistentes recibrán como agasallo un exemplar do libro de Xerais no que está baseado o espectáculo

Xavier López gañador da III edición do premio Meiga Moira

“Prefiro dar a cara, non o perfil. Para quen teña curiosidade, o meu perfil xa foi descrito por Quevedo cando quixo describir a Góngora. Salvando épocas e todo o que se deba de salvar, eu tamén escribo libros”. Así é como se describe o recente gañador da última edición do premio Meiga Moira.



Baía Edicións resolveu o pasado 29 de setembro o III Premio Meiga Moira de Literatura Infantil e Xuvenil 2008 coa novela Os globos de andar, unha obra do escritor e xornalista Xavier López Rodríguez dirixida a lector@s de entre 8 e 10 anos. Á convocatoria presentáronse máis de 50 orixinais, dos que serviron de base para a decisión definitiva do Tribunal 20 títulos, e nos que, en xeral, se destacou o importante momento que a literatura infantil e xuvenil en lingua galega atravesa na actualidade.

O xurado, presidido polo catedrático de Literatura Galega da UDC, Carlos Paulo Martínez Pereiro, e formado por Antonio Yáñez Casal, gañador da anterior edición, Cristina Sáez Cazallas, autora de diversas obras dirixidas ao público infantil, Dores Fernández López, profesora de lingua galega, e Belén López Vázquez, directora editorial de Baía Edicións, destacou a importancia da obra ao poñer de manifesto as mellores cualidades da infancia dun xeito atractivo e orixinal. Os globos de andar é unha historia que reflicte “a inocencia, bondade, confianza, solidariedade e a esperanza, como algúns dos valores que marcan o deambular dos seus protagonistas” e están presentados cunha linguaxe sinxela, accesible e fluída que axuda, sen que o lector de decate, a afondar na esencia do relato.


Xavier López, autor, entre outras, de A serea do deserto, Catro pitas, Como unha pruma liviá, E dixo o corvo... ou Un burro hippy, naceu na Zamora galegófona, mais dende o 1985 reside en Santiago de Compostela, e aposta pola escrita en galego tanto no xornalismo como na literatura, o lugar no que debuxa as súas historias, moitas delas situadas en Brumoso, unha terra arraina, que ven sendo a súa, preto do que nos mapas figura como Penedo dos Tres Reinos… e que tamén ten un enderezo para localizalo na rede http://abrumoso.blogspot.com/ que nos vai permitir coñecer algo máis ao galardoado. Tentaremos non querer saber máis do que nos queira contar porque, como el mesmo di, “Hai que andar con coidado, que todo se sabe”.



“O número de persoas que eu coñezo non coincide en absoluto co número de persoas que me coñecen (ou cren coñecerme). Non é consecuencia de que eu sexa famoso (que, por sorte, non o son); ten máis que ver co que chaman progresión xeométrica, que se basea na multiplicación e non na suma. Cada persoa que me coñece (ou cre coñecerme) estende ou pode estender o seu coñecemento sobre min a unha parte do colectivo de persoas que coñece (ou cre coñecer) ela, un colectivo do que eu nada sei. Así, hai persoas que eu non coñezo e que, sen embargo, me coñecen ou cren coñecerme máis ou menos ben. Hai que andar con coidado, que todo se sabe. E máis nestes tempos en que ó Dios que, segundo nos contaban, todo o sabía, se xuntou o moderno dios da dobre "oo" (que non e dioos senón Google)”. Xavier López Rodríguez.

Carlos López, gañador do VII Premio de Literatura Infantil "Raíña Lupa"

A novela A peripecia de Roi, de Carlos López Gómez, Chinto, foi a gañadora do VII Premio de Literatura Infantil Raíña Lupa, dotado con 6.500 euros. Convocado pola Deputación da Coruña e comisariado por Xabier P. Docampo, inclúe a edición da obra gañadora.
A decisión do fallo foi tomada por maioría, entre as 31 obras presentadas. «É unha obra chea de fantasía e toques de humor próxima ao absurdo e moi imaxinativa», explicou Yolanda Castaño en nome do xurado.
«É un pequeno agasallo ao meu afillado, que tamén se chama Roi. O neno protagonista ten o seu aspecto e a súa idade, seis anos», explicou o autor, detallando que se trata de «un conto longo, ou unha novela curta, que fala diso: da peripecia de Roi». A historia empeza cando o neno vai coa súa nai a unha festa e esta vaille mercando globos de helio que ata no seu pulso, «pero como son tantos sae flotando polo aire; aí empeza a particular peripecia de Roi, durante a que vai atopando un aviador, un home que viaxa nun globo aerostático, un astronauta e ata un extraterrestre, xa no espazo exterior... Vai pedindo axuda a todos para regresar á terra, mesmo ao sol e a unhas nubes».
Carlos López Gómez (Boimorto, 1967) é guionista do dúo de humor gráfico Pinto & Chinto. No ano 1993 asociouse con David Pintor e dende entón publicaron as súas viñetas diarias en El Correo Gallego, O Correo Galego e nos xornais do Grupo Voz (La Voz de Galicia, Diario de León, Diario 16 e La Voz de Baleares).
Publicaron, ademais, diversos libros para nenos como Suca (Everest, 2001), Aquilino pinta unha nube e un camaleón (Combel, 2002), Historia de Román, o bombeiro (Everest 2005) e O pequeno da familia fantasma (Sotelo Blanco, 2005).
Ademais, no eido do cómic crearon o personaxe Tito Longueirón, que apareceu semanalmente nas páxinas da revista “Golfiño” , historietas que foron recollidas en 2005 nun volume publicado por Edicións BD Banda.
Carlos López, autor tamén do poemario Espello sen fondo (Espiral Maior, 2000), obtivo o premio Merlín 2007 pola súa obra Minimaladas, 84 minihistorias protagonizadas por animais que destacan pola súa orixinalidade e humor.
O xurado do certame, ao que se presentaron un total de 31 orixinais, estivo integrado pola poetisa Yolanda Castaño, o director da Biblioteca “Nova 33” da Fundación Caixa Galicia, Pedro Lucas, o escritor e tradutor Ignacio Chao, o profesor e crítico literario Ramón Nicolás e mais o gañador da última edición do “Raiña Lupa”, o escritor ferrolán Antonio Yáñez.